రసజ్ఞ రీతూ... ఈమె పెద్దగా ఎవరికీ తెలీదు కానీ గుప్పెడంత మనసు సీరియల్ లో రిషిని మొదటగా ప్రేమించి ఎంగేజ్మెంట్ చేసుకుని ఆ తర్వాత తన స్టడీస్ కోసం ఫారెన్ వెళ్లిన రోల్ లో చేసిన సాక్షి అంటే ఎవరైనా  గుర్తుపట్టేస్తారు. తర్వాత రిషికి , వసుధారకు మధ్య గొడవలు పెట్టడానికి ఫారెన్ నుంచి వచ్చి రిషిని ఏడిపించిన ఈ రోల్ ని చూసి ఆడియన్స్ తెగ తిట్టుకున్నారు. అలా   కొంత కాలం పాటు ఈ సీరియల్ లో అలరించింది. కానీ వసుధారా రోల్ డామినేట్ చేసేసరికి రసజ్ఞ రీతూ రోల్ తేలిపోయింది. దాంతో ఆమె క్యారెక్టర్ ఆడియన్స్ కి కూడా పెద్దగా గుర్తులేదనే చెప్పొచ్చు. అలాంటి రసజ్ఞ ప్రస్తుతం మౌన పోరాటం సీరియల్ లో నటిస్తోంది..

అలాగే జీ తెలుగులో రాజేశ్వరి విలాస్ కాఫీ క్లబ్ సీరియల్ లో కూడా నటిస్తోంది. ఈ సీరియల్స్  నుంచి కూడా తప్పుకోబోతోంది. రసజ్ఞ తన ఫ్యూచర్ కెరీర్ కోసం తన యాక్టింగ్ కెరీర్ ని క్విట్ చేయబోతున్నట్లుగా ఒక వీడియో చేసి తన యూట్యూబ్ ఛానల్ లో పోస్ట్ చేసింది. అందులో మౌన పోరాటం సీరియల్ నటీమణులతో కలిసి చాలా ఎమోషనల్ అయ్యింది. తనకు అసలు ఈ ఇండస్ట్రీని వదిలి వెళ్లాలని లేదు అని చెప్పి ఏడ్చేసింది. ఇప్పటికీ  సీరియల్ లో నటించిన తన తోలి రోజు గుర్తుంది అని అలాగే తినీ తినకుండా ఎంతో కష్టపడి షూట్స్ చేసిన రోజులు కూడా ఉన్నాయని గుర్తుచేసుకుంది. ఇలా కెరీర్ ని,  ఇండస్ట్రీని ఇలా వదిలి వెళ్లిపోయే రోజు ఒకటి వస్తుందని అస్సలు ఊహించలేదని కన్నీళ్లు పెట్టుకుంది. నిద్రపోయినా కూడా లైట్, యాక్షన్, కెమెరా అనే మాటలే వినిపించేవి ఇక రేపటి నుంచి ఆ మాటలు వినిపించవు అని తెలిస్తేనే చాలా బాధగా ఉందని చెప్పింది. షూటింగ్ అంటే తనకు అంత ప్యాషన్ అని చెప్పింది. ఇక రేపటి నుంచి నటించడమనేది  ఉండదని  తెలిస్తేనే ఏదోలా ఉంది. కానీ బెటర్ ఫ్యూచర్ కోసం తప్పట్లేదు అంటూ ఆవేదన వ్యక్తం చేసింది. ఐతే రసజ్ఞకి మంచి రోల్స్ వస్తున్నా అనుకున్నంత బ్రేక్ ఐతే రాలేదు. నార్మల్ గా కెరీర్ నడుస్తోంది. మరి బెటర్ ఫ్యూచర్ కోసం అంటే మళ్ళీ చదువుకోవడానికా లేదంటే బెటర్ జాబ్ వచ్చిందా అనే విషయాలేవీ రివీల్ చేయలేదు రసజ్ఞ. షూటింగ్ లో తన ఫైనల్ డే రోజున  తన యూనిట్ లోని అందరికీ గిఫ్ట్ పాకెట్స్ ఇచ్చింది.